Foto: 2gis.kz/almaty
Almatyda dámhananyń jazǵy alańyna aǵash qulady. Oqiǵanyń videosy áleýmettik jelide tarady, - dep habarlaidy "Ult aqparat".
Qonaqtar úlken butaqtar qulamas buryn qashyp úlgergen.
Qumash Telegram-arnasynyń jazýynsha, joldan ótip bara jatqan adam qonaqtar men meiramhana qyzmetkerlerine aǵashtyń qulaitynyn eskertken.
Almaty ákimdiginiń málimetinshe, 25 mamyrda saǵat 22:15-te qutqarý qyzmetine Abai dańǵyly 21 mekenjaiyndaǵy "Akýnin" dámhanasynyń jazǵy alańy aýmaǵynda aǵash qulaǵany týraly habarlama túsken.
"Mamandar men Medeý ákimdigi saraptama taǵaiyndady. Qajetti jumystardy kúndizgi ýaqytta júrgizýge sheshim qabyldandy. Zardap shekkender joq. Búgin tańǵy ýaqytta tótenshe jaǵdailar brigadasynyń mamandary kelip, aǵashtardy kesip jatyr", - dedi ákimdik ókilderi.
Jumysty tórt qutqarýshy men bir tehnika júrgizip jatyr.
