QR Syrtqy ister ministriniń orynbasary Aqan Rahmetýllin Almatyda BUU qandai agenttikteri ornalasqanyn atady, dep habarlaidy "Ult aqparat".
«Mundai sheshimniń shyǵýyna elimizdiń óńirlik jáne jahandyq qaýipsizdikti qamtamasyz etý isindegi joǵary bedeli de mańyzdy boldy. Almatyny kópjaqty yntymaqtastyqtyń óńirlik ortalyǵy dep ataýǵa bolady», - dedi Aqan Rahmetýllin.
Onyń aitýynsha, búgingi tańda Almatyda halyqaralyq uiymdardyń ǵimaratynda aimaqtyq jáne sýbóńirlik mártebege ie BUU-nyń 18 agenttiginiń ókildikteri ornalasqan (UNDP, IOM, UNESCO, UNEP, UNAIDS, UNFPA, UNICEF, UNOHCHR, UNODC, UNESCAP, UNHCR, UNISDR, UNOCHA, WHO, UNDSS, UNDGC, UN WOMEN, FAO). Sonymen qatar, qalada basqa halyqaralyq uiymdar men diplomatiialyq korpýs bar.
«Osy turǵyda UNAMA-nyń ýaqytsha keńsesiniń ashylýy Almatynyń BUU-nyń óńirlik haby retindegi mártebesin odan ári nyǵaitýǵa jaqsy kómek bolady», - dep qorytyndylady spiker.
Onyń aitýynsha, Qazaqstan tarapy BUU qyzmetkerlerin ornalastyrý úshin BUU qaýipsizdik talaptaryna jáne basqa parametrlerge sáikes keletin oryndy tabýǵa járdemdesedi.
«Biz UNAMA-nyń Qazaqstanda bolýyn halyqaralyq-quqyqtyq resimdeý máselesin pysyqtaýǵa kiristik. Aita ketý kerek, BUU basshylyǵy osy missiia qyzmetkerleriniń bir bóligin ýaqytsha ornalastyrýdyń ártúrli nusqalaryn qarastyrdy. Almatynyń paidasyna sheshim qabyldaý túrli faktorlarǵa bailanysty boldy. Onyń ishinde bizdiń ońtústik astanamyz qarjylyq jáne iskerlik belsendiliktiń iri óńirlik ortalyǵy, damyǵan infraqurylymy, sondai - aq álemniń basqa elderimen yńǵaily áýe qatynasy bar», - dep SIM ókili.
