Almatyda bolǵan oqiǵaǵa bailanysty áleýmettik jeliler men messendjerler arqyly kóptegen qaýeset taraldy. Oqiǵa ornynan jantúrshigerlik sýretterden basqa qazaqstandyqtar óz aralarynda qorqynyshty sýretter men aýdiofaildardy joldaǵan. Olardyń ishinde «Juldyz» yqshamaýdanynda 100 radikal toptyń bar ekendigi týraly qaýesetter aityldy.
kaz.tengrinews.kz redaktsiiasy rastalmaǵan aqparattardyń tizimin jasady.
1) Almatyda Almaly aýdandyq IIB mańy qorshaýǵa alynǵany týraly aqparat taraǵan soń «kýágerler» Ortalyq stadion mańynda atystardyń bolyp jatqany týraly habarlady. Aqparat rastalmady. Alaida, Abai dańǵyly men Baizaqov kóshelesiniń qiylysyna qarýlanǵan adam júrgen. Ony quqyq qorǵaý organdary dereý ustady. Sonymen qatar. keibir málimetter boiynsha, bul mańda ishinde óli er adam jatqan Toyota Camry kóligi tabylǵan.
2) Sonymen qatar, 100 ekstremistiń «Juldyz» yqshamaýdanynan qalaǵa qarai kele jatqany týraly aqparat. Ol aqparatty Almaty qalalyq terrorizmmen kúres jónindegi jedel shtabyndaǵylar joqqa shyǵardy.
3) Áleýmettik jelilerde Qapshaǵaidaǵy áskeri bólimge shabýyl jasaldy degen qaýesetter de tarady. Qorǵanys ministrligindegiler bul qaýesetti joqqa shyǵardy. Áleýmettik jelilerde Qapshaǵaidaǵy áskeri bólimge shabýyl jasaldy degen qaýeset taraǵan bolatyn. «Bul aqparat rastalmaǵan», — dedi baspasóz qyzmetindegiler.
4) Almatyda Tóle bi men Baizaqov kósheleriniń qiylysynda ornalasqan «Siti Tsentr» saýda ortalyǵy qorshaýǵa alynǵany týraly habarlama. Alaida, bul aqparat ta jalǵan bolyp shyqty. Tóle bi men Ótegen batyr kóshelerinde ornalasqan «Siti Pliýs» saýda ortalyǵy týraly da osyndai aqparat kelip túsken bolatyn.
5) Qalanyń keibir azamattary №5 qalalyq aýrýhanadaǵy atys týraly aitqan edi. Ol aqparat ta rastalmady.
Saǵat 14.00-de Almaty qalalyq terrorizmmen kúres jónindegi jedel shtabyndaǵylar Almatynyń aýdandarynda delingen atystar týraly aqparatty rastamady.
«Almaty qalalyq terrorizmmen kúres jónindegi jedel shtabyndaǵylar Almaty qalasyndaǵy aýdandardyń, onyń ishinde «Juldyz» yqshamaýdany, Bostandyq aýdanyndaǵy Spa-ortalyqta atys boldy delingen aqparattardy joqqa shyǵardy», — dep habarlady jedel shtabtyń ókilderi. Sonymen qatar, olar azamattardy tynyshtyqty saqtaýǵa jáne dúrlikpeýge shaqyrdy.
Eske salaiyq, Almatydaǵy Almaly aýdandyq IIB jáne UQKD jasalǵan shabýyl jasalǵan bolatyn. Qazirgi ýaqytta Almatyda «Jedel ustaý» arnaiy jospary jariialandy. Osy oraida politseiler turǵyndarǵa úilerinen shyqpaýdy ótingen. Qaladaǵy barlyq qarý-jaraq satatyn dúkender jabylǵan. Úsh politsiia qyzmetkeri jáne bir beibit turǵyn qaza tapqan. Shabýyl jasaǵandardyń ekeýi ustaldy», — delingen Almaty IID taratqan aqparatta. Jansaqtaý bóliminde 7 politsei jatyr. Almatyda terroristik qaýiptiń «qyzyl deńgeii» jariialanyp, keshki ýaqytta qaitadan alyp tastaldy.
