30 shildede kúndiz Almatyda jurt bir kún buryn qaitys bolǵan rejisser, qoǵam qairatkeri, Qazaqstannyń eńbek sińirgen óner qairatkeri Bolat Atabaevty aqtyq saparǵa shyǵaryp saldy, dep habarlaidy Azattyq.
Qoshtasý rásimi rejisserdiń úiiniń esiginiń aldynda ótti. Karantinge qaramastan oǵan óte kóp adam jinaldy. Rejisserdiń áriptesteri, qoǵam qairatkerleri, belsendiler marqumnyń týystaryna kóńil aitty. Jinalǵandar arasynda birli-jarym bilik ókili boldy.
Bolat Atabaevty Almaty mańyndaǵy Keńsai ziratyna jerleidi.
Rejisser byltyr Germaniiada aýyr operatsiiany bastan keshirgen. Onyń Qazaqstanǵa oralǵanyna kóp bolmaǵan.
Ol Qazaqstanda saiasi-qoǵamdyq máselelerge ótkir pikir aitýmen de tanymal boldy.
Bolat Manashuly Atabaev 1952 jyly Taldyqorǵan oblysyndaǵy Tentek aýylynda týǵan.
Nemis drama teatrynyń jáne Áýezov atyndaǵy qazaq drama teatrynyń bas rejisseri qyzmetin atqardy. "Aqsarai" teatrynyń jetekshisi boldy.
Ol óziniń alǵashqy rejisserlik jolyn Qaraǵandy oblysynyń Temirtaý qalasyndaǵy Nemis drama teatrynda spektakl qoiýdan bastaǵan. 1990 jyly Qazaq memlekettik akademiialyq drama teatryna aýysyp, B.Rimovanyń «Qos munlyq», M.Maqataevtyń «Qosh, mahabbat», I.Orazbaevtyń «Shyńǵys han», R.Muqanovanyń «Máńgilik bala beine», Á.Kekilbaevtyń «Abylai han», R.Muqanovanyń «Qaraly sulý», t.b. pesalaryna spektaklder qoidy.
2012 jyly Germaniia men Qazaqstan qarym-qatynasynyń damýyna qosqan úlesi úshin Gete medalimen marapattaldy.
2011 jyly batystaǵy bas kótergen jumysshylarǵa qoldaý kórsetti.
Bolat Atabaev pen marqum ánshi Madina Eralievanyń artynda uly Arsen Eraly qaldy.
