Almatyda blok bekette kólik tonaýmen ainalysqan adam qolǵa tústi, dep habarlaidy QazAqparat.
Qalalyq Politsiia departamentiniń baspasóz qyzmeti habarlaǵandai, oqiǵa Jandosov kóshesindegi blok bekette Aqjar shaǵyn aýdanynda bolǵan. 31 jastaǵy er adam «SsangYong» kóliginiń iesi alystap ketkenin baiqap, búiirdegi terezesin syndyryp, keis, noýtbýk, zat toly sómkesin alyp ketken.
Kólik iesi birden politsiiaǵa shaǵymdandy.
«Kúdikti birneshe saǵat ishinde ustaldy. Zattyq aiǵaqtar qolynda bolǵan. Ony satyp úlgermegen. Qazir QR QK 188-babynyń 3-bólimimen qylmystyq is qozǵaldy», - dedi Naýryzbai aýdandyq Politsiia basqarmasynyń basshysy Didar Ahanov.
Politsiia azamattardy ońai olja izdeýshilerden barynsha abaibolýǵa shaqyrady.
Aita ketý kerek, búgin blok beketten tys astyrtyn joldarmen Almatyǵa kirmek bolǵan 2 adam ustaldy.
