الماتىدا بلوك بەكەتتە كٶلٸك توناۋمەن اينالىسقان ادام قولعا تٷستٸ, دەپ حابارلايدى قازاقپارات.
قالالىق پوليتسييا دەپارتامەنتٸنٸڭ باسپاسٶز قىزمەتٸ حابارلاعانداي, وقيعا جاندوسوۆ كٶشەسٸندەگٸ بلوك بەكەتتە اقجار شاعىن اۋدانىندا بولعان. 31 جاستاعى ەر ادام «SsangYong» كٶلٸگٸنٸڭ يەسٸ الىستاپ كەتكەنٸن بايقاپ, بٷيٸردەگٸ تەرەزەسٸن سىندىرىپ, كەيس, نوۋتبۋك, زات تولى سٶمكەسٸن الىپ كەتكەن.
كٶلٸك يەسٸ بٸردەن پوليتسيياعا شاعىمداندى.
«كٷدٸكتٸ بٸرنەشە ساعات ٸشٸندە ۇستالدى. زاتتىق ايعاقتار قولىندا بولعان. ونى ساتىپ ٷلگەرمەگەن. قازٸر قر قك 188-بابىنىڭ 3-بٶلٸمٸمەن قىلمىستىق ٸس قوزعالدى», - دەدٸ ناۋرىزباي اۋداندىق پوليتسييا باسقارماسىنىڭ باسشىسى ديدار احانوۆ.
پوليتسييا ازاماتتاردى وڭاي ولجا ٸزدەۋشٸلەردەن بارىنشا ابايبولۋعا شاقىرادى.
ايتا كەتۋ كەرەك, بٷگٸن بلوك بەكەتتەن تىس استىرتىن جولدارمەن الماتىعا كٸرمەك بولعان 2 ادام ۇستالدى.
