Almatyda belgisiz bireýler bloger Valerii Kýdriavtsevti soqqyǵa jyǵyp, tonap ketti.
Bul týraly ol áleýmettik jelidegi paraqshasynda jazdy.
"Biz tártip bolmaiynsha qalypty ómir súre almaimyz. Meni soqqyǵa jyǵyp, tonap ketti.... Týra teatrdyń aldynda!" - dep jazdy ol.
Aqparatty Almaty qalasynyń politsiia departamenti rastady. Bul fakt sotqa deiingi tergeýdiń biryńǵai tiziliminde QR Qylmystyq kodeksiniń 191-baby «Qaraqshylyq» boiynsha tirkeldi.
«Tergeý-jedel toby quryldy. Qazirgi ýaqytta shabýyldaýshylardyń jeke basyn anyqtaýǵa jáne olardy ustaýǵa baǵyttalǵan jedel is-sharalar kesheni qolǵa alyndy. Sondai-aq, beinebaqylaý kameralaryndaǵy derekterdi jedel ýákilder muqiiat zertteitin bolady»,- dep málim etti Almaty qalasy PD baspasóz qyzmeti.
Aita keteiik, bloger Valerii Kýdriavtsev basqa blogerlermen birigip jaǵdailarǵa shaǵymdanatyn ártúrli keiipkerlerdi videoǵa túsirip, nasihattaidy. Olar Qazaqstannyń qalalaryn aralap, ondaǵy problemalardy kórsetedi.
