Almatyda bireýdiń kóligin tapsyryspen órtegen kúdiktiler ustaldy, dep habarlaidy QazAqparat.
Almaty qalalyq Politsiia departamentiniń habarlaýynsha, qylmys 2021 jyldyń mamyr aiynyń sońynda bolǵan.
«Zertteý kezinde anyqtalǵandai, bógde zatty, atap aitqanda janǵysh suiyqtyqty paidalanǵan úsh adam, 33 jastaǵy S.esimdi azamatshaǵa tiesili «Kia» markaly kólikti ádeii órtegen. Kúdiktiler ustaldy. Olar órteý faktisin moiyndady jáne A.esimdi azamattyń 400 myń teńge somasyndaǵy aqshalai syiaqysy úshin tapsyrysty oryndaǵandaryn aitty. Olardyń ústinen QR QK-niń 202-baby 2-bólimi boiynsha qylmystyq is qozaǵylyp, qamaýǵa alyndy», – dedi Almaty qalasy PD Tergeý basqarmasynyń bastyǵy Muhamedáli Seisenuly.
Al tapsyrys berýshiniń áreketteri QR QK-niń 28-baby 3-bólimi, 202-baby 1-bólimi boiynsha tirkeldi.
«Búgin sotqa deiingi tergeý organy A. esimdi azamatqa qatysty «qamaýda ustaý» túrindegi sharany shyǵardy», – dedi Almaty qalalyq Politsiia departamentiniń ókili.
