الماتىدا بٸرەۋدٸڭ كٶلٸگٸن تاپسىرىسپەن ٶرتەگەن كٷدٸكتٸلەر ۇستالدى

الماتىدا بٸرەۋدٸڭ كٶلٸگٸن تاپسىرىسپەن ٶرتەگەن كٷدٸكتٸلەر ۇستالدى, دەپ حابارلايدى قازاقپارات.

الماتى قالالىق پوليتسييا دەپارتامەنتٸنٸڭ حابارلاۋىنشا, قىلمىس 2021 جىلدىڭ مامىر ايىنىڭ سوڭىندا بولعان. 

«زەرتتەۋ كەزٸندە انىقتالعانداي, بٶگدە زاتتى, اتاپ ايتقاندا جانعىش سۇيىقتىقتى پايدالانعان ٷش ادام, 33 جاستاعى س.ەسٸمدٸ ازاماتشاعا تيەسٸلٸ «كيا» ماركالى كٶلٸكتٸ ەدەيٸ ٶرتەگەن. كٷدٸكتٸلەر ۇستالدى. ولار ٶرتەۋ فاكتٸسٸن مويىندادى جەنە ا.ەسٸمدٸ ازاماتتىڭ 400 مىڭ تەڭگە سوماسىنداعى اقشالاي سىياقىسى ٷشٸن تاپسىرىستى ورىنداعاندارىن ايتتى. ولاردىڭ ٷستٸنەن قر قك-نٸڭ 202-بابى 2-بٶلٸمٸ بويىنشا قىلمىستىق ٸس قوزاعىلىپ, قاماۋعا الىندى», – دەدٸ الماتى قالاسى پد تەرگەۋ باسقارماسىنىڭ باستىعى مۇحامەدەلٸ سەيسەنۇلى. 

ال تاپسىرىس بەرۋشٸنٸڭ ەرەكەتتەرٸ قر قك-نٸڭ 28-بابى 3-بٶلٸمٸ, 202-بابى 1-بٶلٸمٸ بويىنشا تٸركەلدٸ. 

«بٷگٸن سوتقا دەيٸنگٸ تەرگەۋ ورگانى ا. ەسٸمدٸ ازاماتقا قاتىستى «قاماۋدا ۇستاۋ» تٷرٸندەگٸ شارانى شىعاردى», – دەدٸ الماتى قالالىق پوليتسييا دەپارتامەنتٸنٸڭ ٶكٸلٸ.