Elektrondyq úkimet portalynda Almaty qalasy máslihatynyń «Jinalystar, mitingiler, sherýler, piketter jáne demonstratsiialar tártibin qosymsha retteý týraly» sheshiminiń jobasy jariialandy, dep habarlaidy "Ult aqparat".
Qoǵamdyq talqylaý 8 qazanǵa deiin jalǵasady.
Qujatta aitylǵandai, VI shaqyrylymdaǵy Almaty qalasynyń máslihaty: 1) jinalystar, mitingiler, sherýler, piketter jáne demonstratsiialar ótkizý tártibin; 2) jinalystar, mitingiler, sherýler, piketter men demonstratsiialar ótkiziletin oryndardy bekitý týraly sheshim qabyldady.
Osylaisha, jinalystar, mitingiler, piketter, sherýler men demonstratsiialar úshin eki oryn belgilendi, olar: «Sary Arqa» kinoteatrynyń artyndaǵy alań (4-shaǵyn aýdan) jáne «Iýjnyi» saiabaǵy (Jarokov kóshesi, Hojanov kóshesiniń buryshy).
Jinalystar, mitingiler, sherýler, piketter men demonstratsiialardyń 18 pýnktten turatyn ótkizý tártibi de anyqtalǵan. Ol týraly myna siltemeden tolyǵyraq bilýge bolady.
Buǵan deiin Almaty qalasynyń ákimi Baqytjan Saǵyntaev Almaty ruqsat etilgen mitingterge arnalǵan oryn sany kóbeiedi dep málimdegen bolatyn. Ákim «Saryarqa» kinoteatrynyń aldyndaǵy alańnan basqa azamattardyń beibit jinalysyn ótkizetin taǵy bir oryndy anyqtaý týraly ótinishpen máslihatqa júginýge ýáde bergen edi.
