Almatyda 17-21 tamyz aralyǵynda elektr jelilerinde josparly jóndeý jumystary júrgiziledi. Osyǵan bailanysty qalanyń birqatar aýdanynda jaryq ýaqytsha óshiriledi, dep habarlady «Alataý Jaryq» kompaniiasy, dep habarlaidy ult.kz.
Elektr energiiasy negizinen 09:00-den 17:00-ge deiin ajyratylady. Kompaniia jóndeý jumystarynyń ýaqyty jospardan tys jumystarǵa bailanysty ózgerýi múmkin ekenin eskertti.
17 tamyzda jaryq RES-1 boiynsha Túrkistan, Aigerim-1, Shańyraq-2 shaǵynaýdandary men Syǵanaq, Jankoja batyr kóshelerinde óshiriledi. RES-2 aýmaǵynda Sátbaev, Mynbaev, Jarokov, Raiymbek, Rozybakiev, Qarasai batyr, Abylai han jáne basqa kósheler qamtylady. RES-3 boiynsha Qaraǵaily, Tastybulaq, Aqjar, Qalqaman-2, RES-4 boiynsha Baimaǵambetov, Chernigovskaia, Aityqov jáne basqa kóshelerde elektr berý toqtatylady. Sondai-aq RES-5 pen RES-6 aýmaǵyndaǵy birqatar ýchaske, Rahat, Bostandyq, Dostyq, Lýganskii, Qurmanǵazy, Shevchenko kósheleri, Samal-1, Samal-2 jáne Kók-Tóbe aýmaqtary qamtylady. RES-7 boiynsha Aqbulaq pen Taýgúl shaǵynaýdandarynda jaryq bolmaidy.
18 tamyzda Aigerim-1, Tastybulaq, Aqjar, Samal-2, Kamenskoe plato jáne qala ortalyǵyndaǵy Abai, Qurmanǵazy, Rozybakiev, Aimanov, Shevchenko, Gagarin kósheleriniń bir bóliginde elektr energiiasy ýaqytsha ajyratylady.
19 tamyzda Aigerim-1, Túrkistan, Shańyraq-1, Qaraǵaily, Aqjar, Tastybulaq, Taýsamaly, Rahat jáne Ojet shaǵynaýdandary, sondai-aq qalanyń ortalyǵyndaǵy birqatar kóshe qamtylady.
20 tamyzda Aigerim-2, Shańyraq-1, Shańyraq-2, Qaraǵaily, Tastybulaq, Qalqaman-2, Ojet, Arhat, Arasan, Han Táńiri, Samal-1, Samal-2 jáne Kók-Tóbe aýmaqtarynda jaryq óshedi.
21 tamyzda Aigerim, Baibesik, Alǵabas, Tastybulaq, Aqjar, Qalqaman-2, Ojet, Samal-1, Samal-2 jáne Kamenskoe plato, sondai-aq Dostyq, Navoi, Zenkov, Qaldaiaqov jáne basqa kóshelerde elektr energiiasy ýaqytsha berilmeidi.
Qala turǵyndary naqty qai úidiń jaryǵy óshetinin «Alataý Jaryq» kompaniiasynyń josparly jóndeý jumystary jariialanǵan tiziminen teksere alady.
Kompaniia jóndeý jumystarynyń kestesi jospardan tys jumystarǵa bailanysty ózgerýi múmkin ekenin eskertti.
