Almatydaǵy jalǵan terrorizm shabýylynyń aýqymy ósti: túnde belgisiz bireý mektepterdiń elektrondy poshtasyna aqsha bermegen jaǵdaida bilim ordasyn jaryp jiberetini týraly habarlama joldaǵan, dep jazady "Ult aqparat".
«Tańerteń mundai habarlama 12 mektepke jiberilgeni belgili boldy. Qazirgi ýaqytta qaladaǵy 34 jalpy bilim berý mekemesine osyndai habarlamalar kelip tústi. 18 mektep tekserildi. Jarylǵysh qurylǵylar tabylǵan joq», - dedi Almaty qalalyq Politsiia departamentiniń resmi ókili Saltanat Ázirbek.
Barlyq mektepte sabaqtar toqtatylyp, saperlar ǵimaratty tekserip jatyr.
Jalǵan terrorizm úshin qandai jaza qarastyrylady?
Bul fakti Qazaqstannyń Qylmystyq kodeksiniń 273-baby – "Terrorizm aktisi týraly kórineý jalǵan habarlaý" boiynsha sotqa deiingi tergeýdiń biryńǵai tizimine engizildi. Mundai qylmys úshin 5 000 AEK-ke deiingi (1 AEK shamamen 7 dollarǵa teń) aiyppul salý kózdelgen nemese sol mólsherde túzeý jumystaryna tartylady. Sondai-aq, bes jylǵa deiin bas bostandyǵyn shekteý nemese sol merzimge bas bostandyǵynan aiyrý da qarastyrylǵan.
Atalǵan qylmystyń bul túri úshin jaýapkershilik 14 jastan bastap qarastyrylady.
Sonymen qatar hat joldaǵan adamnyń jeke tulǵasyn anyqtap, ony ustaýǵa baǵyttalǵan jedel-izdestirý sharalary júrgizilip jatyr.
