الماتىداعى جالعان تەرروريزم شابۋىلىنىڭ اۋقىمى ٶستٸ: تٷندە بەلگٸسٸز بٸرەۋ مەكتەپتەردٸڭ ەلەكتروندى پوشتاسىنا اقشا بەرمەگەن جاعدايدا بٸلٸم ورداسىن جارىپ جٸبەرەتٸنٸ تۋرالى حابارلاما جولداعان, دەپ جازادى "ۇلت اقپارات".
«تاڭەرتەڭ مۇنداي حابارلاما 12 مەكتەپكە جٸبەرٸلگەنٸ بەلگٸلٸ بولدى. قازٸرگٸ ۋاقىتتا قالاداعى 34 جالپى بٸلٸم بەرۋ مەكەمەسٸنە وسىنداي حابارلامالار كەلٸپ تٷستٸ. 18 مەكتەپ تەكسەرٸلدٸ. جارىلعىش قۇرىلعىلار تابىلعان جوق», - دەدٸ الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
بارلىق مەكتەپتە ساباقتار توقتاتىلىپ, ساپەرلار عيماراتتى تەكسەرٸپ جاتىر.
جالعان تەرروريزم ٷشٸن قانداي جازا قاراستىرىلادى?
بۇل فاكتٸ قازاقستاننىڭ قىلمىستىق كودەكسٸنٸڭ 273-بابى – "تەرروريزم اكتٸسٸ تۋرالى كٶرٸنەۋ جالعان حابارلاۋ" بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸمٸنە ەنگٸزٸلدٸ. مۇنداي قىلمىس ٷشٸن 5 000 اەك-كە دەيٸنگٸ (1 اەك شامامەن 7 دوللارعا تەڭ) ايىپپۇل سالۋ كٶزدەلگەن نەمەسە سول مٶلشەردە تٷزەۋ جۇمىستارىنا تارتىلادى. سونداي-اق, بەس جىلعا دەيٸن باس بوستاندىعىن شەكتەۋ نەمەسە سول مەرزٸمگە باس بوستاندىعىنان ايىرۋ دا قاراستىرىلعان.
اتالعان قىلمىستىڭ بۇل تٷرٸ ٷشٸن جاۋاپكەرشٸلٸك 14 جاستان باستاپ قاراستىرىلادى.
سونىمەن قاتار حات جولداعان ادامنىڭ جەكە تۇلعاسىن انىقتاپ, ونى ۇستاۋعا باعىتتالعان جەدەل-ٸزدەستٸرۋ شارالارى جٷرگٸزٸلٸپ جاتىر.
