Almatyda astana kúnine orai Bekzat Sattarhanov atyndaǵy «Boks álemi» sport kesheni ashyldy, dep habarlaidy "Ult aqparat".
Keshenniń ashylýyna aýdan ákimi Sairan Saifedenov qatysty. Ol jas sportshylardy merekelerimen quttyqtap, olarǵa sáttilik pen úlken jeńister tiledi.
Keshen «Iýnost» kinoteatry ǵimaratynyń ornynda paida boldy. Eki qabatty sport kesheniniń boks zaly - 200 sharshy metr. Sonymen qatar, bi jáne gimnastika zaldary bar.
«Osy ǵimaratty bizge bergeni úshin Áýezov aýdanynyń ákimdigine rahmet. Ol 15 jyl bos turdy. Biz jóndeý jumystaryn júrgizdik. Barlyǵy 33 mln teńge investitsiia salyndy. Bul - áleýmettik joba. Kelýshilerdiń arasynda qazirdiń ózinde qalalyq jáne respýblikalyq chempionattardyń jeńimpazdary bar. Kópbalaly jáne turmysy tómen otbasylardyń balalaryna úlken jeńildikter bolady», - dedi sport kesheniniń direktory Baǵdat Syrlybaev.
Sport kesheni barlyq qajetti quraldarmen jabdyqtalǵan. Boks zalynda bir ýaqytta 30 adam jattyǵa alady. Munda jańadan bastaýshylar da, kásipqoi boksshylar da kele alady. Bolashaqta zalda úlken jarystar ótedi.
Bul jobanyń maqsaty - sportpen shuǵyldanýǵa jáne dene shynyqtyrýǵa qolaily jaǵdailar jasaý, turǵyndar arasynda salaýatty jáne belsendi ómir saltyn nasihattaý, adam ómiriniń sapasyn jaqsartý.
