Almatyda búginen bastap Soltústik ainalma jol mańyndaǵy birqatar bazar men «Nurly taý» biznes ortalyǵyndaǵy kólik turaǵy úshin tólem alynbaidy, dep habarlaidy QazAqparat.
«Almaty qalasynyń ýchaskelik úlgidegi aqyly avtoturaqtardy paidalaný quqyǵymen jer ýchaskelerin abattandyrýǵa jáne oǵan qatysty sharttyń buzylýyna bailanysty «AlanParking» JShS kelesi bazarlarda ornalasqan aqyly avtoturaqtardy basqarýdy toqtatady. Olar «Barys», «Olja», «Adem», «Arlan», «Qazyna», «Ialian», «Alataý-1», «Alataý- 2», «Bolashaq», «Aq-Bulaq», sonymen qatar « Nurly Taý» biznes ortalyǵynyń mańy, - dep naqtylady «AlanParking» kompaniiasynan.
2022 jyldyń 7 mamyrynan bastap atalǵan avtoturaqtarda turaq aqysy alynbaidy.
Buǵan deiin Almatydaǵy aqyly avtoturaqtar qalanyń menshigine qaitarylǵany týraly habarlaǵan edik.
Aita keteiik, 14 sáýir kúni «Alan Parking» JShS direktory Muhtar Bazarbaev eki aiǵa qamaýǵa alynǵan bolatyn. Sonymen qatar «Almaty spetstehparking servis» JShS direktory Marat Prinbekov ta qamaýda otyr.
Qazirgi ýaqytta kompaniia basshylaryna qatysty qylmystyq is qozǵaldy jáne biýdjet qarajatyn urlaýmen bailanysty tergeý amaldary júrip jatyr.
Almatyda aqyly avtoturaq júiesi alǵash ret 2016 jyly engizildi. Joǵaryda atalǵan kompaniialardyń aqparaty boiynsha, aqyly turaqtardan qarjy ainalymy jylyna orta eseppen 1,4 mlrd teńge boldy.
