Almaty politsiiasy arbamen bala súiretken áieldi tapa-tal túste tonap ketken er adamdy izdep jatyr, dep habarlaidy "Ult aqparat".
«Bul qylmys boiynsha QR QK 191-babynyń 2-bóligine sáikes is qozǵaldy. Jetisý aýdandyq politsiia basqarmasy 11 qyrkúiekte kishkentai balasy bar 28 jastaǵy áieldi tonap ketken aziat er adamǵa izdeý salady. Kúdikti shamamen 28-30 jasta. Boiy - 170-175 sm. Ústine aq jolaqtary bar kók tústi keýdeshe, qara sporttyq shalbar, aiaǵyna kók tústi krossovka, basyna aq kepka kigen», - dep habarlaidy Almaty qalalyq PD.
Politsiia osy adamdy kórgen nemese tanityn jandar bolsa, myna telefon nómirlerine habarlasýyn ótinedi: 254-49-01; 254-49-02; 254-49-06; 8-702-870-06-95; 8-708-952-55-94 nemese 102.
Eske salaiyq, atalmysh oqiǵa Saiahat mańyndaǵy aýladaǵy kameralardyń birine túsip qalǵan. Bul video áleýmettik jelide tarady. Jábirlenýshiniń aitýynsha, er adam onyń moinyndaǵy altyn alqasyn julyp áketken.
