Áleýmettik jelilerde Almaty men Almaty oblysynda balalardy urlap jatyr degen aqparat taraǵan bolatyn. Politsiia muny joqqa shyǵardy. Tártip saqshylary jalǵan aqparat taratqandardy izdep jatyr, dep habarlady vedomstvonyń baspasóz qyzmeti.
Dybystyq habarlamada áiel Almaty oblysy men megapolistiń keibir aýdandarynda 2-16 jas aralyǵyndaǵy balalardy urlaý faktisi jiilep ketkenin habarlaǵan.
Keiin ol Almatydaǵy politsiia departamentine video kelip túskenin aitady. Onyń aitýynsha, Qytaida júk kólikterinen muzǵa "qatyrylǵan" qazaqstandyq balalardy túsirip jatqan sát videoǵa túsip qalǵan.
Almatynyń politsiia departamenti bul aqparat múldem shyndyqqa janaspaidy dep otyr.
"Habarlamada aitylǵan aqparat jalǵan. Birde-bir fakt dáleldengen joq", - dedi Almatylyq politsiia departamentiniń baspasóz qyzmeti.
Politsiiadaǵylar bul aqparatty taratýshylardyń maqsaty halyq arasynda dúrbeleń týǵyzý ekenin aitady.
Quqyq qorǵaý organdarynyń qyzmetkerleri tekseris júrgizip jatyr. Jalǵan aqparat taratqan adam qylmystyq jaýapkershilikke tartylatyn bolady.
