Almaty qalasy Medeý aýdanynyń N2 aýdandyq soty «Balbulaq» balalardy ońaltý ortalyǵynyń eks-direktoryna qatysty qylmystyq is boiynsha úkim shyǵardy, dep habarlaidy "Ult aqparat".

Sot anyqtaǵandai, 2020 jyldyń 30 jeltoqsanynda burynǵy direktordyń tóraǵalyǵymen ótken komissiia otyrysynda osy mekemeniń 22 qyzmetkerine syiaqy retinde 2 331 169 teńge kóleminde qarajat bólý týraly sheshim qabyldandy.

«2020 jyldyń 31 jeltoqsanynda A. esepshilerine jalpy somasy 939 000 teńgeni quraityn syiaqyny jinap, ózine berýdi tapsyrdy. Osylaisha, sot A.-nyń óz paidasy úshin qyzmettik ókilettigin asyra paidalanǵany, bul memlekettiń zańmen qorǵalatyn quqyqtary men múddelerine eleýli ziian keltirýge ákep soqtyrǵanyn anyqtady, iaǵni ol Qazaqstan Respýblikasy Qylmystyq kodeksiniń 361-babynyń 1-bóligi boiynsha qylmystyq quqyq buzýshylyq jasady», - dep habarlady sottyń baspasóz qyzmeti.

Prokýror oǵan 1000 AEK kóleminde aiyppul salýdy surady (2 917 000 teńge).

Sotta túsindirip ótilgendei, Qylmystyq kodekstiń 361-babynyń 1-bóliginiń sanktsiiasy 2000 AEK-ke deiin aiyppul túrin nemese sol mólsherde túzeý jumystaryna jegýdi nemese 600 saǵatqa deiin qoǵamdyq jumystarǵa tartý túrinde jazalaýdy kózdeidi. Iia bolmasa, eki jylǵa deiingi bas bostandyǵyn shekteý nemese múlkin tárkilep, belgili bir laýazymdardy atqarý quqyǵynan ómir boiyna aiyra otyryp, sol merzimge bas bostandyǵynan aiyrýdy qarastyrady.

Sot úkimimen burynǵy basshy qyzmet babyn asyra paidalanǵany úshin kináli dep tanyldy.

«Sot sottalýshy keltirilgen zalaldy tolyq kólemde ótegenin, birinshi ret qylmystyq jaýapkershilikke tartylǵanyn, óziniń kinásin tolyq moiyndap, jasaǵan isine ókingenin eskerdi. Sonymen birge, aýyrlatatyn mán-jailar keltirilgen joq. Osyǵan bailanysty, A.-ǵa memlekettik qyzmette, qarjy uiymdarynda, memlekettik uiymdarda jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, bir jyl merzimge bas bostandyǵyn shekteý jazasy taǵaiyndaldy»,- dep habarlady sottan.

Sot úkimi zańdy kúshine engen joq.