Almatyda azyq-túliktik emes bazarlardyń jumysy 1 maýsymnan bastap ashylmaq. Bul týraly búgin onlain brifing barysynda qalalyq Kásipkerlik jáne investitsiialar basqarmasynyń basshysy Erkebulan Orazalin aitty, dep habarlaidy "Ult aqparat".
Buǵan deiin qala ákimdigi Saýda úileri, Saýda ortalyqtarynyń 25 mamyrdan bastap ashylatynyn habarlaǵan bolatyn.
«Barlyq bazarlar bir mezette ashylady degen sóz emes. Azyq túliktik emes bazarlarǵa kelsek, olardyń kópshiligi sanitarlyq normalardy oryndaǵan jaǵdaida ǵana ashylady. Komissiia sheshimine sáikes, mundai nysandar aýditten ótken soń 1 maýsymnan bastap ashylýy múmkin. Nysandardy ashý olardyń ázirligine mindetti baǵalaý júrgizilgennen keiin ǵana múmkin bolady», - dedi basqarma basshysy Erkebulan Orazalin.
Budan buryn jabylǵan bazarlardyń qyzmetine qoiylǵan shekteýlerdi alý kezeń-kezeńmen júrgiziletin bolady.
2020 jylǵy 25 mamyrdan bastap, bosańsýdyń kezekti kezeńiniń sheńberinde, qalada barlyq Halyqqa qyzmet kórsetý ortalyqtarynyń, sondai-aq budan buryn jabylǵan azyq-túlik bazarlary men ámbebap bazarlary azyq-túlik qatarlarynyń, sanitariialyq-epidemiologiialyq normalarǵa sáikes kelgen jaǵdaida, olardyń qyzmetine qoiylǵan shekteýlerdi alý josparlanyp otyr.
Shekteýler alynǵannan keiin 5 arnaiy HQKO, 2 Migratsiialyq qyzmet kórsetý ortalyǵyn jáne 2 Tsifrlyq qyzmet kórsetý ortalyǵyn qosa alǵanda 16 front-ofistiń qyzmeti qaita bastalady. Onyń arqasynda 1600 astam adam, onyń ishinde, klienttermen tikelei bailanysta jumys isteitin 933 front-ofis qyzmetkeri jumysqa oralady dep boljanyp otyr.
Baǵalaý júrgizýge beriletin tapsyrys kún saiyn sall-centre (+7 775 882 55 39, +7 775 882 57 08, +7 775 882 55 46, +7 775 882 54 16, +7 775 882 56 02, +7 775 882 53 12, +7 775 882 56 49, +7 775 882 52 00, +7 775 882 56 72, +7 775 882 53 92), sondai-aq elektrondyq poshta (nysandardyń ornalasý oryndary boiynsha: Infoalmaly@mail.kz – Almaly aýdany, Infoauezov@mail.kz – Áýezov aýdany, Infobostandyk@mail.kz – Bostandyq aýdany, Infozhetysu@mail.kz – Jetisý aýdany, Infonauryzbay@mail.kz – Naýryzbai aýdany, Infoturksib@mail.kz – Túrksib aýdany) arqyly qabyldanady.
Oblysta turatyn qyzmetkerlerge qalaǵa kirýge jáne qaladan shyǵýǵa ruqsat berildi. Qalaǵa kirýdiń mindetti sharty olardyń derekterin almaty.infokazakhstan.kz. bazasyna engizý bolyp tabylady. Nysandardy tirkeý olar jumysqa barýǵa ruqsat alǵannan keiin múmkin bolady.
