Almatyda joq páterdi jalǵa bergen alaiaq ustaldy, - dep habarlaidy "Ult aqparat" Polisia.kz saityna silteme jasap.
Portal málimetinshe, 48 jastaǵy er adam 9 azamatty aldap úlgergen.
"A. esimdi azamat Almatyda joq páterlerdi jalǵa bergen. Alaiaqtyq týraly shahardyń birneshe turǵyny politsiiaǵa habarlasqannan keiin belgili boldy. Barlyǵynyń oqiǵasy birdei. Páter izdegender tanymal internet-servisten naryqtaǵy baǵadan tómen baǵany kórip, habarlasqan. Úi iesiniń sharty aldyn ala tólem berý nemese turý úshin tolyq somany tóleý boldy. Ol klientterdiń kóptigin jáne páterge birinshi bolyp aqsha tólegen adam turatyndyǵyn aityp óz áreketterin negizdegen. Kásipker azamat aqshany alǵannan keiin birden bailanysqa shyǵýyn toqtatyp, uialy telefon nómirin aýystyrǵan", - deidi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.
Almaty qalasy Kriminaldyq politsiia basqarmasy men Almaly aýdandyq Politsiia basqarmasyna qarasty politsiia bóliminiń qyzmetkerleri kúdiktini qamaýǵa alǵan. Almaly aýdandyq Politsiia basqarmasynda alaiaqtyq deregi boiynsha qylmystyq is tirkeldi.
Is júrgizý barysynda onyń osyǵan uqsas 9 epizodqa qatysy bar ekendigi anyqtalǵan. Keltirilgen shyǵynnyń jalpy somasy 530 myń teńgeni quraidy.
"Tergeý kezeńinde ustalǵan adamǵa qatysty qamaýǵa alý túrindegi bultartpaý sharasy tańdaldy, ol ýaqytsha ustaý izoliatoryna qamaldy. Qosymsha tergeý sharalary júrgizilip jatyr", - dedi Qýatbek Naýatov.
