Áiel janjal kezinde kórshisiniń ústine qainaǵan sý quiyp jibergen. Instagram áleýmettik jelisindegi Krispi_kazakhstan-paraqshasynda oqiǵanyń videosy paida boldy, - dep habarlaidy Tengrinews.kz agenttigi.
"Almatyda áiel peshti bólise almaǵan kórshisiniń ústine qainaǵan sý shashyp jibergen. Ahtanova 13-úidegi jataqhana. Qazir áielge operatsiia kerek", - delingen videonyń sipattamasynda.
Nazar aýdaryńyz, videoda balaǵat sózder aitylǵan!
Zardap shekken Anar esimdi áieldiń aitýynsha, oqiǵa keshe túnde bolǵan. Ol osy jataqhanaǵa birneshe kún buryn sábiimen jáne ápkesimen kóship kelgen.
"Keshe keshke jumystan keldim de as úige shai qoiýǵa kirdim. Bizde as úi ortaq. Álgi áiel peshtiń qasynda turdy, men oǵan jaqyndap, syimaǵandyqtan ydystaryn jyljytýyn ótindim, peshte tek 2 ottyq jumys istedi. Men oǵan: "Táte, azdap jyljisyz ba?" dedim. Ol aiqailap, balaǵattai bastady, "qaidaǵy táte, men 1991 jylǵymyn" dep. Men onymen janjaldasqan joqpyn. Ol ystyq sýdy alyp, ústime shasha saldy", - deidi jábirlenýshi.
Qazir Anar aýrýhanada jatyr. Óziniń aitýynsha, 2-3 dárejeli kúiik alǵan. Oń aiaǵy, sol qoly, keýdesi men ishi kúiip qalǵan. Áiel jalǵyzbasty ana ekenin, kúieýiniń apattan qaitys bolǵanyn, úide sábii qalǵanyn aitty. Áieldiń odan ári emdelýge aqshasy joq.
Politsiia oqiǵaǵa qatysty pikir bildirdi.
Jetisý aýdandyq Politsiia basqarmasynyń málimetinshe, bul derek tirkelip, jergilikti politsiia qyzmetiniń qaraýynda.
"Zardap shekken áieldiń jaraqatynyń aýyrlyǵyn anyqtaý úshin sot-meditsinalyq saraptama taǵaiyndaldy. Odan ári baǵa berilip, sheshim shyǵarylady", - dedi Almaty politsiiasy ókilderi.
