Almatyda politsiia qyzmetkerleri aialdamalar men qoǵamdyq kólik salondaryna videokameralar ornatýdy usynýda, dep habarlaidy "Ult aqparat".
«Qylmystyń 60%-y urlyq. Desekte, páter urlyǵy 46,4%-ǵa, avtomobil urlyǵy - 3,5 esege, kólik salonyn tonaý - 2,4 esege, búiir ainalardy urlaý - 4,2 esege azaidy», - dedi Almaty politsiia departamentiniń bastyǵy Qanat Taimerdenov brifing barysynda.
Onyń aitýynsha, kriminaldyq politsiia qyzmetkerleriniń 70%-y urlyqty ashýǵa jumyldyrylǵan. Urlanǵan múlikti satyp alýshylarǵa qatysty tiisti sharalar qoldanylyp jatyr.
Sonymen qatar, spiker urlyqtyń 25%-y qoǵamdyq kólikterde nemese aialdamalarda jasalatyndyǵyn atap ótti.
«Qalada 2 myń aialdama pýnkti bar, onda beinebaqylaý kameralary joq. 1771 qoǵamdyq kólik bar. Olar da tolyqtai beinebaqylaýmen jabdyqtalmaǵan», - deidi Qanat Taimerdenov.
Urlyqtyń aldyn alý jáne azaitý mausatynda politsiia ákimdikpen birlesip, aialdamalar men qoǵamdyq kólik salondaryna beinebaqylaý kameralaryn ornatýdy kózdep otyr. Bul qalta urylaryn tez anyqtaýǵa múmkindik beredi.
Almaty qalalyq politsiia departamentiniń málimetinshe, jalpy megapolistegi qylmys 44%-ǵa tómendegen.
