Áleýmettik jelide kóliktiń birneshe adamdy qaǵyp ketken videosy jariialandy, dep habarlaidy QazAqparat.
Oqiǵa Almaty qalasynyń Bostandyq aýdanynda 26 tamyz kúni tańǵy saǵat 5-ter shamasynda bolǵan. Sózge kelip qalǵan eki top ózara janjaldasyp sońynda bir-birin kólikpen qýalaǵan.
Beinejazbada bir top jigittiń eki kólik júrgizýshisimen janjaldasqanyn kórýge bolady. Aq tústi avtokóliktiń júrgizýshisi eregeskenderdiń bireýin qaǵyp kete jazdaidy. Al qara tústi kóliktiń júrgizýshisi qasaqana úsh adamdy qaǵady. Sondai-aq, jigitterdiń biri qolyna avtokólik nómirin ustaǵan. Onda Almaty óńiriniń 02 jazý bary anyq baiqalady.
Osy oqiǵaǵa qatysty Almaty qalalyq politsiia departamenti túsinikteme berdi.
«Bul fakt sotqa deiingi tergeýdiń biryńǵai tizilimine alyndy. QR QK úsh baby boiynsha qylmystyq is qozǵaldy. Bostandyq aýdandyq politsiia bóliminde territoriialyq jaǵynan, sondai-aq PD tergeý bóliminde tergelýde. Kúdiktiler anyqtaldy, qazir olardy ustaýǵa jáne kólikti tárkileýge baǵyttalǵan jedel-izdestirý sharalary kesheni júrgizilýde», - dedi poltsiianyń baspasóz qyzmeti.
Keiinirek Almaty politsiia departamentiniń resmi ókili Saltanat Ázirbek avtokólikpen adamdardy qasaqana qaǵý oqiǵasy týraly tolyq aqparatty jariialady.
«Janjaldyń nátijesinde taraptardyń bireýi qarsy jaqtaǵy adamdardy kólikpen qaǵyp, oqiǵa ornynan qashyp ketti. Olardyń kim ekeni anyqtaldy, tergeý júrip jatyr. Qazirgi ýaqytta kúdiktilerdi ustaýǵa jáne kólikti tárkilep alýǵa baǵyttalǵan jedel-izdestirý sharalary júrgizilýde», - dedi Almaty politsiia departamentiniń resmi ókili Saltanat Ázirbek.
Politsiianyń málimetinshe, osy oqiǵanyń nátijesinde úsh adam jaraqat aldy. Olardyń aiaq-qoldary jaraqatanǵan, miy shaiqalǵan. Olar qalanyń meditsinalyq mekemelerine jetkizildi.
Tiisinshe, Almaty qalalyq densaýlyq saqtaý basqarmasy kólik qaqqan adamdardyń densaýlyǵy týraly aitty.
«Almaty №7 qalalyq klinikalyq aýrýhanaǵa 2 adam tústi. Birinshisine ashyq bas súiek-mi jaraqaty, midyń jeńil dárejede jaraqaty, bastyń oń jaq súieginiń syný diagnozy qoiyldy. Jaǵdaiy - ortasha aýyr. Ekinshi naýqasqa jabyq bas jaraqaty, midyń shaiqalý diagnozy qoiyldy. Jaǵdaiy ortasha aýyr dep baǵalanady. Úshinshisi Ortalyq qalalyq aýrýhanaǵa jetkizildi. Onyń sol aiaǵynyń tobyǵy, oń qol shyntaǵy jabyq, sol qol shyntaǵyna ashyq synǵan degen diagnoz qoiylyp otyr. Jaǵdaiy - ortasha aýyr», - dep habarlady Almaty qalalyq densaýlyq saqtaý basqarmasynan.
