Foto: Polisia.kz
Almatyda qoǵamdyq kólikte urlyq jasaǵan 29 jastaǵy er adam ustaldy, - dep habarlaidy "Ult aqparat" Polisia.kz saityna silteme jasap.
"Qalalyq kriminaldyq politsiianyń arnaiy toby men Jetisý aýdandyq politsiia basqarmasynyń qyzmetkerleri Áýezov aýdanynyń turǵyny, buryn sottalǵan 29 jastaǵy F. esimdi azamatty ustady.
Er adam 104-baǵyttaǵy qoǵamdyq kóliktiń jolaýshysynan IPhone markaly telefonyn urlady degen kúdikke ilindi.
Kúdikti qamaýǵa alynyp, mobildi qurylǵy tárkilendi. Qazirgi ýaqytta sotqa deiingi tergeý amaldary júrgizilip jatyr" - delingen habarlamada.
Sonymen qatar politsiia qyzmetkerleri azamattyń qala aýmaǵynda basqa da yqtimal qylmystardy jasaýǵa qatysy bar-joǵyn anyqtap jatyr.
QR QPK-niń 201-babyna sáikes tergeý múddesin kózdeitin ózge de málimetter jariia etýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady.
