Foto: ashyq derekkóz
Almatyda jaiaý júrginshini qaǵyp ketken avtobýs júrgizýshisi ustalyp, ýaqytsha ustaý izoliatoryna qamaldy, dep habarlaidy Ult.kz.
Oqiǵa keshe saǵat 10:54-te Almaly aýdanynda bolǵan. Tóle bi dańǵylymen batysqa qarai qozǵalǵan qoǵamdyq kólik Isaev kóshesimen qiylysta 2007 jyly týǵan qyzdy qaǵyp ketken. Jasóspirim belgilengen jaiaý júrginshiler ótkelimen ótip bara jatqan.
Zardap shekken qyz dereý aýrýhanaǵa jetkizildi.
Almaty qalasy Politsiia departamentiniń Anyqtaý basqarmasy atalǵan derek boiynsha qylmystyq is qozǵap, avtobýs júrgizýshisin qamaýǵa alǵan.
PD ókilderi júrgizýshilerdiń jolda muqiiat bolý qajettigin taǵy da eskertti.
«Jolaýshy tasymalyna jaýapty júrgizýshiniń jolda uialy telefonǵa alańdaýy — múldem jol berýge bolmaityn áreket. Ár júrgizýshi adamdardyń ómiri óz qolynda ekenin túsinýi kerek. Barlyq qoǵamdyq kólik jáne jeke avtokólik júrgizýshilerin jol erejelerin qatań saqtaýǵa shaqyramyz», — dedi Almaty qalasy PD Ákimshilik politsiia basqarmasynyń bastyǵy Serik Shýmaev.
