Almaty politsiiasy qoǵamdyq kólik ústinde otshashý uiymdastyrǵan buzaqylardy ustady, dep habarlaidy Sputnik Qazaqstan.
Buǵan deiin áleýmettik jelide birneshe adamnyń avtobýs ústinde otshashý uiymdastyrǵan sátinde túsirilgen video tarady. Ol jerde otshashý qoiyp, avtobýstan sekirgenderdiń biri aiaǵyn aýyrtyp alǵany anyq kórinedi. Almaty politsiiasynyń habarlaýynsha, buzqylyq jasaýshynyń biri basyn jaraqattaǵan.
Bostandyq aýdandyq politsiia basqarmasynyń málimetinshe, buzaqylyq jasaǵan tórt azamat ustaldy.
"Tórt adamnyń árqaisysy aldyn ala kimniń ne isteitinin josparlaǵan. Bireýi qoǵamdyq kólik júrgizýshisiniń nazaryn aýdarsa, ekinshisi uialy telefon kamerasyna ne bolyp jatqanyn túsirgen. Taǵy ekeýi qoǵamdyq kóliktiń tóbesine shyǵyp, otshashý uiymdastyrǵan", - dep habarlady Bostandyq aýdandyq politsiia basqarmasynyń bastyǵy Dýman Aýhadiev.
Olardyń arasynda kámeletke tolmaǵandar da bar.
Qazir atalǵan fakti boiynsha qylmystyq kodekstiń 293-baby ("Buzaqylyq") boiynsha qylmystyq is tergelip jatyr.
Sonymen qatar buzaqylardyń áreketinde ákimshilik quqyq buzýshylyq týraly kodekstiń 436-babynda ("Eldi mekenderde atys qarýynan, gazdy, pnevmatikalyq, laqtyrylatyn jáne elektrli qarýdan oq atý, pirotehnikalyq buiymdardy qoldaný") kózdelgen quqyq buzýshylyq belgileri bar, dep habarlady politsiia.
Endi quqyq qorǵaýshylar jastardyń ne sebepti mundai áreketke barǵanyn anyqtaidy.
