Foto: Tengrinews.kz
Almatyda avtobýs apatynan zardap shekenderdiń jaǵdaiy turaqty. Bul týraly qalalyq qoǵamdyq densaýlyq saqtaý basqarmasy habarlady, - dep jazady Habar 24.
Dárigerlerdiń aitýynsha, 36 jastaǵy avtobýs júrgizýshisi, bas mi jaraqaty diagnozymen neirohirýrgiia bólimshesinde emdelip jatyr. Jaǵdaiy turaqty. Al 50 jastaǵy naýqas reanimatsiiadan jaraqat bólimshesine aýystyrylǵan. Taǵy bir 55 jastaǵy er adamǵa mi jaraqaty, midyń jeńil soǵylýy diagnozy qoiylǵan.
"50 jastaǵy naýqas reanimatsiiadan jaraqat bólimshesine aýystyryldy. Jaǵdaiy aýyr dep baǵalanady. Oń dinamika baiqalady. Avtobýs júrgizýshisi - 36 jastaǵy áiel mi jaraqaty, midyń soǵylýy, bettiń jumsaq tinderiniń jaraqaty diagnozymen neirohirýrgiia bólimshesinde emdelip jatyr. Jaǵdaiy turaqty, konservativti em qabyldap jatyr. Barlyq naýqasqa qajetti meditsinalyq kómek tolyq kólemde kórsetiledi", - deidi №7 qalalyq klinikalyq aýrýhananyń neirohirýrgiia bólimshesiniń meńgerýshisi Ildar Qurmaev.
Ótken jumada Raiymbek dańǵylynda bolǵan avtobýs apatynan úsh adam kóz jumyp, tórt adam zardap shekken edi. Qoǵamdyq kólik júrgizýshisin uryp, esinen tandyrǵan jolaýshy sol túni qamaýǵa alyndy.
