فوتو: Tengrinews.kz
الماتىدا اۆتوبۋس اپاتىنان زارداپ شەكەندەردٸڭ جاعدايى تۇراقتى. بۇل تۋرالى قالالىق قوعامدىق دەنساۋلىق ساقتاۋ باسقارماسى حابارلادى, - دەپ جازادى حابار 24.
دەرٸگەرلەردٸڭ ايتۋىنشا, 36 جاستاعى اۆتوبۋس جٷرگٸزۋشٸسٸ, باس مي جاراقاتى دياگنوزىمەن نەيروحيرۋرگييا بٶلٸمشەسٸندە ەمدەلٸپ جاتىر. جاعدايى تۇراقتى. ال 50 جاستاعى ناۋقاس رەانيماتسييادان جاراقات بٶلٸمشەسٸنە اۋىستىرىلعان. تاعى بٸر 55 جاستاعى ەر ادامعا مي جاراقاتى, ميدىڭ جەڭٸل سوعىلۋى دياگنوزى قويىلعان.
"50 جاستاعى ناۋقاس رەانيماتسييادان جاراقات بٶلٸمشەسٸنە اۋىستىرىلدى. جاعدايى اۋىر دەپ باعالانادى. وڭ ديناميكا بايقالادى. اۆتوبۋس جٷرگٸزۋشٸسٸ - 36 جاستاعى ەيەل مي جاراقاتى, ميدىڭ سوعىلۋى, بەتتٸڭ جۇمساق تٸندەرٸنٸڭ جاراقاتى دياگنوزىمەن نەيروحيرۋرگييا بٶلٸمشەسٸندە ەمدەلٸپ جاتىر. جاعدايى تۇراقتى, كونسەرۆاتيۆتٸ ەم قابىلداپ جاتىر. بارلىق ناۋقاسقا قاجەتتٸ مەديتسينالىق كٶمەك تولىق كٶلەمدە كٶرسەتٸلەدٸ", - دەيدٸ №7 قالالىق كلينيكالىق اۋرۋحانانىڭ نەيروحيرۋرگييا بٶلٸمشەسٸنٸڭ مەڭگەرۋشٸسٸ يلدار قۇرماەۆ.
ٶتكەن جۇمادا رايىمبەك داڭعىلىندا بولعان اۆتوبۋس اپاتىنان ٷش ادام كٶز جۇمىپ, تٶرت ادام زارداپ شەككەن ەدٸ. قوعامدىق كٶلٸك جٷرگٸزۋشٸسٸن ۇرىپ, ەسٸنەن تاندىرعان جولاۋشى سول تٷنٸ قاماۋعا الىندى.
