Foto: ashyq derekkózden
Almatyda avtobýs aialdama mańynda turǵan bir top adamdy qaǵyp ketti. Oqiǵa saldarynan 3 adam qaza tapty, dep habarlady "Ult aqparat".
Almaty qalalyq politsiia departamentiniń málimetinshe, 22 jeltoqsanda saǵat 18:15-te №47-baǵyttaǵy qoǵamdyq kóliktiń (jeke tasymaldaýshy – «DýmanTransKom» JShS) ishinde jolaýshysy janjal shyǵaryp, júrgizýshi áieldi urǵan, saldarynan ol esinen tanyp, kólikti basqara almai qalǵan.
Baqylaýdan shyǵyp ketken qoǵamdyq kólik aialdamada turǵan adamdardy qaǵyp, tórt kólikpen soqtyǵysqan.
"Oqiǵa saldarynan 3 adam qaza taýyp, taǵy 4 adam dene jaraqattaryn aldy. Olar aýrýhanaǵa jetkizildi.
Qoǵamdyq kólik júrgizýshisin urǵan er adam ustaldy. Oǵan qatysty QR QK-niń 293-baby (buzaqylyq) jáne QR QK-niń 351-baby (eki nemese odan da kóp adamnyń ólimine ákep soqqan kólikti qaýipsiz paidalanýdy qamtamasyz etetin erejelerdi buzý) boiynsha qylmystyq is tirkeldi. Osy bap boiynsha ol 8 jylǵa deiingi merzimge bas bostandyǵynan aiyrylýy múmkin.
Ustalǵan adam PD-niń ýaqytsha ustaý izoliatoryna qamaldy" - delingen habarlamada.
