Almatydaǵy avtobýs aialdamalarynyń birine «Qazaq radiosynyń» aty berildi, dep habarlaidy QazAqparat.
«Qazaq» jáne «Shalqar» radiolarynyń Almaty stýdiiasynyń jetekshisi Baqyt Jaǵyparulynyń aitýynsha, avtobýs aialdamasy qazaq televiziiasynyń qara shańyraǵy ornalasqan Jeltoqsan kóshesi, 175 úidiń irgesinde.
«Atalǵan kóshemen júretin avtobýstarda jańa aialdamanyń aty eki tilde atala bastady. Sonymen qatar, aialdamaǵa Qazaq radiosynyń qondyrǵysy ornatyldy. Iaǵni, búginnen bastap radiodan taraityn jańalyqtar men habarlardy jolaýshylar tyńdai alady. Qazaq radiosy sóilep turady», - deidi Baqyt Jaǵyparuly.
Sonymen qatar, ol Qazaq radiosynyń 100 jyldyǵyna orai memorialdy taqta ornatylǵanyn atap ótti.
«Almaty qalalyq mádeniet basqarmasynyń qoldaýymen Qazaq radiosynyń ǵimaratyna, qara shańyraqqa Radio úii degen memorialdyq taqta ornatyldy», - deidi ol.
Sondai-aq QR Ulttyq kitaphanasynda «Almatydan sóilep turmyz...» atty radionyń ǵasyrlyq tarihynan syr shertetin kóne qujattar men sýretter kórmesi ótti.
Aita keteiik, biyl Qazaq radiosyna 100 jyl, «Shalqar» radiosyna 55 jyl tolyp otyr. Memleket basshysy Qasym-Jomart Toqaev «1 qazan - radio qyzmetkerleri kúni» dep jariialaýdy usynǵan bolatyn.
Prezident usynysy qoldaý taýyp, 13 tamyzda QR Úkimetiniń qaýlysy shyqty.
Esterińizge sala keteiik, Qazaqstanda radiohabar taratý tarihy 1921 jyldyń qazan aiynda bastaldy.
