الماتىداعى اۆتوبۋس ايالدامالارىنىڭ بٸرٸنە «قازاق راديوسىنىڭ» اتى بەرٸلدٸ, دەپ حابارلايدى قازاقپارات.
«قازاق» جەنە «شالقار» راديولارىنىڭ الماتى ستۋديياسىنىڭ جەتەكشٸسٸ باقىت جاعىپارۇلىنىڭ ايتۋىنشا, اۆتوبۋس ايالداماسى قازاق تەلەۆيزيياسىنىڭ قارا شاڭىراعى ورنالاسقان جەلتوقسان كٶشەسٸ, 175 ٷيدٸڭ ٸرگەسٸندە.
«اتالعان كٶشەمەن جٷرەتٸن اۆتوبۋستاردا جاڭا ايالدامانىڭ اتى ەكٸ تٸلدە اتالا باستادى. سونىمەن قاتار, ايالداماعا قازاق راديوسىنىڭ قوندىرعىسى ورناتىلدى. ياعني, بٷگٸننەن باستاپ راديودان تارايتىن جاڭالىقتار مەن حابارلاردى جولاۋشىلار تىڭداي الادى. قازاق راديوسى سٶيلەپ تۇرادى», - دەيدٸ باقىت جاعىپارۇلى.
سونىمەن قاتار, ول قازاق راديوسىنىڭ 100 جىلدىعىنا وراي مەموريالدى تاقتا ورناتىلعانىن اتاپ ٶتتٸ.
«الماتى قالالىق مەدەنيەت باسقارماسىنىڭ قولداۋىمەن قازاق راديوسىنىڭ عيماراتىنا, قارا شاڭىراققا راديو ٷيٸ دەگەن مەموريالدىق تاقتا ورناتىلدى», - دەيدٸ ول.
سونداي-اق قر ۇلتتىق كٸتاپحاناسىندا «الماتىدان سٶيلەپ تۇرمىز...» اتتى راديونىڭ عاسىرلىق تاريحىنان سىر شەرتەتٸن كٶنە قۇجاتتار مەن سۋرەتتەر كٶرمەسٸ ٶتتٸ.
ايتا كەتەيٸك, بيىل قازاق راديوسىنا 100 جىل, «شالقار» راديوسىنا 55 جىل تولىپ وتىر. مەملەكەت باسشىسى قاسىم-جومارت توقاەۆ «1 قازان - راديو قىزمەتكەرلەرٸ كٷنٸ» دەپ جارييالاۋدى ۇسىنعان بولاتىن.
پرەزيدەنت ۇسىنىسى قولداۋ تاۋىپ, 13 تامىزدا قر ٷكٸمەتٸنٸڭ قاۋلىسى شىقتى.
ەستەرٸڭٸزگە سالا كەتەيٸك, قازاقستاندا راديوحابار تاراتۋ تاريحى 1921 جىلدىڭ قازان ايىندا باستالدى.
