Almatynyń Bostandyq aýdanynda avtobýs jaiaý júrginshiler ótkelinen ótip bara jatqan áieldi qaǵyp ketti. 30 jastaǵy áiel alǵan jaraqattarynan oqiǵa ornynda kóz jumdy, dep habarlaidy ult.kz.
Qaiǵyly jaǵdai keshe Mustafin kóshesinde bolǵan. Aldyn ala málimet boiynsha, avtobýs ońtústik baǵytta qozǵalyp kele jatqan. Osy kezde jaiaý júrginshiler ótkelinen ótip bara jatqan áieldi qaǵyp ketken.
Oqiǵa ornyna politsiia qyzmetkerleri kelip, jol-kólik oqiǵasynyń mán-jaiyn anyqtaýǵa kiristi.
Atalǵan fakti boiynsha qylmystyq is qozǵaldy. Qazir anyqtaý organy apattyń sebepteri men barlyq mán-jaiyn anyqtap jatyr.
