Aýany baqylaý úshin megapolistiń ár bóliginde 10 avtomattandyrylǵan stantsiia ornatyldy. Bul týraly onlain brifing barysynda Almaty qalasynyń Jasyl ekonomika basqarmasynyń bastyǵy Natalia Livinskaia aitty, dep habarlaidy QazAqparat.
«Karantin kezeńinde sarapshylarmen, ekologiialyq jáne kóliktik qoǵamdastyqtardyń ókilderimen birge qorshaǵan ortany jaqsartý boiynsha qysqa merzimdi is-sharalar jospary jasaldy. Qalanyń ár jerinde aýany baqylaý úshin 10 avtomattandyrylǵan post ornatyldy. Osylaisha almatylyqtar aýa sapasyn Led-ekran arqyly baqylai alady»,–deidi
Onyń aitýynsha, atmosferalyq aýanyń aǵymdaǵy jaǵdaiy týraly aqparat Led-ekranǵa 26 datchikten kelip túsedi, aqparat kúnine úsh ret jańartylyp turady. Qosymsha taǵy 10 monitoring stantsiiasyna qosý josparda bar.
