Almatydaǵy aýa tazalyǵyn baqylaýmen ainalysatyn «AAirVision.kz qoǵamdyq qory qurdy, dep habarlaidy "Ult aqparat".
Qordyń quryltaishylary Berik Qaniev pen Aleksei Ni qaladaǵy aýa basseinin birneshe jyl ishinde tazartýdy qolǵa alyp otyr.
Ol úshin qoǵamdyq qor memlekettik organdarmen, azamattyq sektormen, qazaqstandyq jáne sheteldik ǵalymdarmen birge jumys istemek.
«Qazir almatylyqtar úshin eń basty problema - aýa tazalyǵy. Bizdiń qor qoǵamdyq belsendiler, ǵalymdar, injenerler, ekologiia boiynsha sarapshylar, bul problemanyń ortaq sheshimin tapsa deimiz. Bizdiń uiym kommertsiialyq emes. Bizdiń maqsatymyz qalamyzdy barlyǵymyz úshin qaýipsiz etý», - dedi Berik Qaniev.
Qor quryltaishylary bul qorǵa barlyq ekologiia mamandaryn tartqysy keledi.
«Osy jerden ortaq strategiia qurylsa dep oilaimyz. Osy taqyrypta seminarlar, konferentsiialar ótkizsek. Zań shyǵarý protsesterine qatysyp otyrýǵa niettimiz. Bul uiym ákimdik pen halyq arasyndaǵy altyn kópir bolmaq. Munda ekologiialyq monitoring júrgiziledi. Halyqtyń ekologiialyq bilimin arttyryp, el arasynda ekologiialyq máselelerdi nasihattaýdy basty maqsat etip otyrmyz», - dedi qor quryltaishylary.
Eń alǵashqy qadam retinde zamanaýi monitoring júiesin jasaý uiǵaryldy. Bul júie Dúniejúzilik densaýlyq saqtaý uiymy ruqsat bergen ádistemelerdiń negizinde jasalady.
Eske salsaq, buǵan deiin Almaty ákimdigi qalada 517 myńnan astam kólik tirkelgenin habarlaǵan edi. Odan bólek, kún saiyn qalaǵa 250 myńǵa jýyq kólik kiredi. Sondyqtan da qala atmosferasyna shyǵarylatyn ziiandy zattardyń deńgeii joǵary.
