Almatynyń Tóle Bi kóshesinde asfalt opyrylyp, jolda úlken shuńqyr paida boldy, dep habarlaidy "Ult aqparat".
Oqys oqiǵanyń videosy áleýmettik jelide taralǵan.
Qalalyq ákimdik bul oqiǵaǵa qatysty túsinikteme berdi.
«Tóle bi - Ótegen batyr kósheleriniń qiylysynda asfalt opyrylyp, úlken shuńqyr paida boldy. Qazir «Almaty Sý» kompaniiasy qalpyna keltirý jumystaryn júrgizip jatyr. Sodan keiin asfalt tóseledi», - dep habarlady Almaty qalasynyń Energotiimdilik jáne infraqurylymdyq damý basqarmasynan.
Óz kezeginde «Almaty Sý» kásiporny asfalt keshke deiin qalpyna keltiriletinin atap ótti.
«Búgin keshki saǵat 22-ge qarai Tóle bi men Ótegen batyr kósheleriniń qiylysyndaǵy jol qalpyna keltiriledi. Aldyn ala zertteý derekteri boiynsha diametri 2 metrge jýyq shuńqyr kóshe qiylysynyń astynan ótetin qalalyq kollektorlyq sektsiia D-1000 mm eden plitasynyń buzylýyna bailanysty paida boldy», - dep tolyqtyrdy «Almaty Sý» MM.
