Almaty politsiiasy arnaiy operatsiia kezinde tórt retsidivisten granata, tapansha, oq-dári jáne pyshaq tárkiledi. Jedel aqparatqa súiensek, ustalǵandar zańsyz qarý-jaraq saqtap, satýmen ainalysqan, dep habarlaidy qalanyń politsiia departamentiniń baspasóz qyzmeti.
Vedomstvonyń habarlamasynda aitylǵandai, ustalǵandar buryn áiel zorlaǵany úshin sottalypty.
"Tárkilengen zattai aiǵaqtarǵa ballistikalyq jáne daktiloskopiialyq saraptama taǵaiyndaldy", - dep habarlady Almaty qalasynyń politsiia departamenti.
Ustalǵandar qamaýǵa alynǵan. Qazir tergeý basqarmasy QR QK 287-baby 3-bólimi boiynsha (Atys qarýy (tegis uńǵyly ańshy qarýynan basqa), oq-dári, jarylǵysh zattar nemese jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý) qylmystyq isti tergep jatyr.
Ustalǵandardyń aiyby dáleldengen jaǵdaida, olar 12 million 625 myń teńgege deiingi mólsherde aiyppul tóleýge mindettelýi múmkin nemese sondai mólsherde túzetý jumysyna salynady, ia bolmasa bes jylǵa deiingi merzimge bas bostandyǵyn shekteý nemese sonsha ýaqyt bas bostandyǵynan aiyrý jazasy qoldanylady.
