Almatyda bes kúniń ishinde 33 kólik tirkeldi. Bul týraly Almaty qalasy Ákimshilik politsiia basqarmasynyń basshysy Jandos Muratáliev aitty, dep habarlaidy "Ult aqparat".
Memleket basshysynyń tapsyrmasy boiynsha, Qazaqstanda 1 maýsymnan 1 qyrkúiekke deiin Armeniiadan jetikizilgen kólikterdi tirkeý bastaldy.
«Almatyda Armeniiadan ákelingen 505 kólik bar. Onyń ishinde 119 kóliktiń róli oń jaǵynda. Byltyr jáne biyl 88 kólik tirkelgen. Qazir patrýldik politsiia qyzmetkerleri kóshede Armeniiadan jetkizilgen kólikterdi toqtatyp, olarǵa arnaiy jadynama taratyp jatyr. Onda osy kólikterdi qalai tirkeýge bolatyny, qandai qujat kerek ekeni kórsetilgen. Odan bólek, bul másele boiynsha koll-ortalyq ashyldy», - dedi Jandos Muratáliev.
Sonymen qatar, ol Armeniiadan jetkizilgen kólikterge sary nómir beriletinin atap ótti.
«Sary belgi bul kóliktiń basqa azamattarǵa satylmaitynyn bildiredi. Óziniń turǵylyqty jeri boiynsha salyǵyn tólep, Qazaqstan ishinde eshqandai shekteýsiz júre beredi. Iaǵni, elimizde tirkeýde turady», - dedi ol.
