Foto: Almaty ákimdigi
Almatyda Úlken Almaty shyńyna shyǵýshylardy avtomatty túrde esepke alatyn elimizdegi alǵashqy arnaiy qurylǵy ornatyldy, dep habarlaidy Ult.kz.
Joba Almaty qalasynyń Týrizm basqarmasy tarapynan ekotýrizmdi tsifrlandyrý jáne týristik infraqurylymdy damytý maqsatynda júzege asyrylyp otyr.
Jobanyń basty maqsaty – taýǵa shyǵýshylardyń sanyn naqty eseptep, taý baǵyttaryna túsetin júktemeni taldaý. Qurylǵy árbir órmeleýdi adamnyń qatysýynsyz avtomatty túrde tirkeidi, bul naqty statistika qalyptastyrýǵa múmkindik beredi.
Týrizm basqarmasynyń málimetinshe, qazan aiynyń sońyna deiin dál osyndai qurylǵylar Qanysh Sátbaev (Sovetov) shyńyna jáne Jastar shyńyna da ornatylady. Jinalǵan derekter taý baǵyttaryn tiimdi josparlaýǵa, navigatsiialyq júielerdi jaqsartýǵa jáne taýdaǵy qaýipsizdik deńgeiin arttyrýǵa kómektesedi.
Mundai tehnologiia búginde Shveitsariia, Aýstriia jáne Jańa Zelandiia siiaqty týrizmi damyǵan elderde keńinen qoldanylady. Almaty da osy halyqaralyq tájiribeni Ile Alataýynyń tabiǵi erekshelikterine beiimdep engizip otyr.
