©instagram/rustam.abdrakhmanov_
Almatyda politseiler alaiaqtyq jasady degen kúdiktini ustady. Bul týraly qalalyq PD bastyǵynyń tergeý jónindegi orynbasary Rýstam Ábdirahmanov Instagram-paraqshasynda málimdedi, - dep habarlaidy Tengrinews.kz.
Ustalǵandardyń biri 1995 jyly týǵan er adam internet-resýrs arqyly adamdardy aldaǵan. Ol Ońtústik Koreiaǵa jumysqa ornalasýǵa jáne jumys vizasyn alýǵa kómektesemin degen jalǵan habarlandyrýlar taratqan. Aqshany alǵannan keiin er adam bailanysqa shyqpai qoiǵan.
Onyń áreketi eki nemese odan da kóp adamǵa qatysty aldaý jáne senimge qiianat jasaý arqyly bótenniń múlkin urlaý dep saralanady. Keltirilgen shyǵyn kólemi - eki million teńge.
Politseiler kúdiktiniń áreketinen zardap shekkenderden +7 778 879 78 88 jáne + 7 702 401 11 10 telefondaryna habarlasýdy suraidy.
Ustalǵan taǵy bir kúdikti 1997 jyly týǵan er adam. Ol ózin qurylys kompaniialarynyń biriniń injenerimin dep tanystyryp, is júzinde oǵan esh qatysy bolmasa da, azamattardyń senimine qiianat jasap, olarǵa turǵyn úidi qaita josparlaýdy zańdastyryp berýge ýáde bergen.
Bul qyzmeti úshin er adam "klientterden" 100 000 teńgeden 300 000 teńgege deiin aldyn ala tólem alǵan. Tergeýdiń osy kezeńinde uqsas úsh epizod anyqtaldy.
Politseiler kúdiktiniń áreketinen zardap shekkenderden +7 707 447 07 50, +7 747 699 70 02 jáne +7 778 622 02 19 telefondaryna habarlasýdy suraidy.
