Ál-Farabi dańǵylynda saǵatyna 80 shaqyrym jyldamdyq rejimi engizilgen soń jol apatynyń sany azaidy. Bul týraly búgin brifing barysynda qalalyq Politsiia departamentiniń ákimshilik politsiia basqarmasynyń basshysy Jandos Murataliev aitty.
«Bizde Ál-Farabi jáne shyǵys ainalma jolynda jol apatynyń sany azaidy. Al Sain kóshesinde jol apatynyń sany azdap artqan. Qazir júrgizýshiler azdy-kópti jol erejesin saqtai bastady. Oǵan jol boiyndaǵy kameralar yqpal etip jatyr», - dedi J.Murataliev.
Munyń aldynda Almatyda Ál-farabi dańǵylynda saǵatyna 80 shaqyrym jyldamdyq qaita engizilgenin habarlaǵan bolatynbyz.
