Almatyda aqsha jymqyrǵan tehnikalyq qadaǵalaý mamandary 7 jylǵa sottaldy, dep habarlaidy "Ult aqparat".
Almatylyq prokýrorlar «Áigerim-1,2» shaǵyn aýdandarynyń sýmen jabdyqtaý jáne káriz jelileriniń qurylysyn, sondai-aq «Han Táńiri» turǵyn úi keshenine arnalǵan sýqubyr jelileri men qurylystaryn qaita jańartý jumystaryn zerttedi.
«Bul jumystardy Energetika basqarmasynyń tapsyrysy boiynsha «K» JShS men «J» JShS 2018 jyldyń qańtar aiynda 760 mln teńgege oryndaýǵa tiis bolatyn. Sondai-aq qurylys-montajdaý jumystarynyń sapaly oryndalýyn baqylaý eki adamǵa júktelgen. Prokýrorlar qajetti ólsheýlerdi júrgize otyryp, quny 225,5 mln teńge bolatyn jumystardyń oryndalmaǵanyn, aqshanyń urlanǵanyn, al nysandardyń jumys istemeitinin anyqtady», - dep habarlady Almaty qalasynyń prokýratýrasy.
Atap aitqanda, qarastyrylǵan eki rezervýardyń ornyna bireýi salynǵan, ýchaskeniń aýmaǵy abattandyrylmaǵan, arnaiy sorǵylar bolmaǵan.
Osyǵan qaramastan nysandar paidalanýǵa berilip, shart boiynsha aqshalai qarajat tolyq kólemde tólengen.
Bul tehnikalyq qadaǵalaý mamandarynyń kómegimen júzege asqan. Nátijesinde 10 adam, sonyń ishinde atalǵan mamandar, qurylys kompaniialarynyń basshylary jáne Energetika basqarmasynyń birqatar laýazymdy tulǵasy sotqa tartyldy.
Memleketke keltirilgen jalpy shyǵyn - 225,5 mln teńge.
Prokýrorlyq tekserý nátijeleri boiynsha qylmystyq is qozǵalyp, ony tergeýmen Almaty qalasynyń arnaiy prokýrorlary ainalysty.
«Sot úkimimen tehnikalyq qadaǵalaýdyń 2 ókili jáne qylmysqa qatysy bar joǵaryda atalǵan 8 adam 7 jyldan 8 jylǵa deiingi merzimge bas bostandyǵynan aiyryldy. Sot protsesi barysynda sottalýshylar memleket kirisine 93,4 mln teńge tóledi, zalaldyń qalǵan somasy úkimdi oryndaý aiasynda óndirip alýǵa jatady»,- delingen habarlamada.
Jalpy daǵdarysqa qarsy sharalardy iske asyrý aiasynda bólingen biýdjet qarajatyn jumsaý zańdylyǵyn tekserý 1 mlrd teńgeden astam somanyń jymqyrylǵanyn anyqtady, 18 is qozǵaldy, 4-ýi boiynsha úkim shyǵaryldy, qalǵandary sotta qaralyp jatyr.
