الماتىدا اقشا جىمقىرعان تەحنيكالىق قاداعالاۋ ماماندارى 7 جىلعا سوتتالدى, دەپ حابارلايدى "ۇلت اقپارات".
الماتىلىق پروكۋرورلار «ەيگەرٸم-1,2» شاعىن اۋداندارىنىڭ سۋمەن جابدىقتاۋ جەنە كەرٸز جەلٸلەرٸنٸڭ قۇرىلىسىن, سونداي-اق «حان تەڭٸرٸ» تۇرعىن ٷي كەشەنٸنە ارنالعان سۋقۇبىر جەلٸلەرٸ مەن قۇرىلىستارىن قايتا جاڭارتۋ جۇمىستارىن زەرتتەدٸ.
«بۇل جۇمىستاردى ەنەرگەتيكا باسقارماسىنىڭ تاپسىرىسى بويىنشا «ك» جشس مەن «ج» جشس 2018 جىلدىڭ قاڭتار ايىندا 760 ملن تەڭگەگە ورىنداۋعا تيٸس بولاتىن. سونداي-اق قۇرىلىس-مونتاجداۋ جۇمىستارىنىڭ ساپالى ورىندالۋىن باقىلاۋ ەكٸ ادامعا جٷكتەلگەن. پروكۋرورلار قاجەتتٸ ٶلشەۋلەردٸ جٷرگٸزە وتىرىپ, قۇنى 225,5 ملن تەڭگە بولاتىن جۇمىستاردىڭ ورىندالماعانىن, اقشانىڭ ۇرلانعانىن, ال نىسانداردىڭ جۇمىس ٸستەمەيتٸنٸن انىقتادى», - دەپ حابارلادى الماتى قالاسىنىڭ پروكۋراتۋراسى.
اتاپ ايتقاندا, قاراستىرىلعان ەكٸ رەزەرۆۋاردىڭ ورنىنا بٸرەۋٸ سالىنعان, ۋچاسكەنٸڭ اۋماعى اباتتاندىرىلماعان, ارنايى سورعىلار بولماعان.
وسىعان قاراماستان نىساندار پايدالانۋعا بەرٸلٸپ, شارت بويىنشا اقشالاي قاراجات تولىق كٶلەمدە تٶلەنگەن.
بۇل تەحنيكالىق قاداعالاۋ ماماندارىنىڭ كٶمەگٸمەن جٷزەگە اسقان. نەتيجەسٸندە 10 ادام, سونىڭ ٸشٸندە اتالعان ماماندار, قۇرىلىس كومپانييالارىنىڭ باسشىلارى جەنە ەنەرگەتيكا باسقارماسىنىڭ بٸرقاتار لاۋازىمدى تۇلعاسى سوتقا تارتىلدى.
مەملەكەتكە كەلتٸرٸلگەن جالپى شىعىن - 225,5 ملن تەڭگە.
پروكۋرورلىق تەكسەرۋ نەتيجەلەرٸ بويىنشا قىلمىستىق ٸس قوزعالىپ, ونى تەرگەۋمەن الماتى قالاسىنىڭ ارنايى پروكۋرورلارى اينالىستى.
«سوت ٷكٸمٸمەن تەحنيكالىق قاداعالاۋدىڭ 2 ٶكٸلٸ جەنە قىلمىسقا قاتىسى بار جوعارىدا اتالعان 8 ادام 7 جىلدان 8 جىلعا دەيٸنگٸ مەرزٸمگە باس بوستاندىعىنان ايىرىلدى. سوت پروتسەسٸ بارىسىندا سوتتالۋشىلار مەملەكەت كٸرٸسٸنە 93,4 ملن تەڭگە تٶلەدٸ, زالالدىڭ قالعان سوماسى ٷكٸمدٸ ورىنداۋ اياسىندا ٶندٸرٸپ الۋعا جاتادى»,- دەلٸنگەن حابارلامادا.
جالپى داعدارىسقا قارسى شارالاردى ٸسكە اسىرۋ اياسىندا بٶلٸنگەن بيۋدجەت قاراجاتىن جۇمساۋ زاڭدىلىعىن تەكسەرۋ 1 ملرد تەڭگەدەن استام سومانىڭ جىمقىرىلعانىن انىقتادى, 18 ٸس قوزعالدى, 4-ۋٸ بويىنشا ٷكٸم شىعارىلدى, قالعاندارى سوتتا قارالىپ جاتىر.
