Almaty qalasyndaǵy memlekettik organdardyń ǵimarattaryna shabýyl jasady degen kúdikpen bir top adam ustaldy. Bul týraly QR Ulttyq qaýipsizdik komitetinen málim etti, dep habarlaidy QazAqparat.
«QR Ulttyq qaýipsizdik komiteti 2022 jylǵy 7 aqpanda Almaty qalasynda júrgizgen jedel-izdestirý sharalary nátijesinde memlekettik organdardyń ákimshilik ǵimarattaryna shabýyl jasady degen kúdikpen bir top adamdy ustady.
Tintý barysynda olardan Kalashnikov avtomaty, onyń 158 patrony, tankige qarsy qol granataatqyshyna 1 atý jáne 3 snariad, 2 granata, kelte ańshy myltyǵy jáne elektroshoker tabylyp, tárkilendi.
Ustalǵandardyń biri buryn adam óltirgeni, qaraqshylyq jáne urlyq jasaǵany úshin sottalǵan.
Tergeý jáne jedel is-sharalar jalǵasýda», - dedi QR UQK baspasóz qyzmetinen.
