Almatydaǵy Abylai han dańǵyly №28 kóppáterli úidiń turǵyndary taiaýda adamnyń bólshektelgen denesi tabylǵan oqiǵadan keiin osy úide saǵatqa jáne táýlikke páterdi jalǵa beretinder men ony jalǵa alatyndardyń ústinen shaǵymdandy.
Úi turǵyndary kaz.tengrinews.kz tilshisine tórtinshi qabattaǵy №39 páterdiń sońǵy ýaqytta jalǵa berilip kelgenin aitty. "Bul páter osymen senigizinshi jyl jalǵa berilip keledi. Sondyqtan úi ieleri qaita-qaita aýysady, qaita satady, qaita jalǵa beredi. Pritonǵa ainaldy. Túni boiy aiǵailap, yńqyldap, yńyranady", - dedi turǵyndardyń biri.
Alaida turǵyndardyń eshqaisysy adam shoshyrlyq oqiǵa bolǵan kúni seziktenbepti. "Eshteńe estimedik, ne bolǵanyn eshkim bilmeidi. Typ-tynysh boldy. Seziktenetin jaǵdai bolǵan joq", - dedi turǵyndar. Qazirgi ýaqytta qylmys bolǵan úidiń esigine mór basylǵan, taiaýda tergeýshiler kelip, tekseripti.
© Tengrinews.kz
Jantúrshigerlik qylmys bolǵan páterdiń iesin eshkim tanymaidy eken. "Onda eshkim turǵan joq. Ýaqytsha, saǵattap nemese táýliktep jalǵa beriledi. Meniń de páterim osy mańda, jalǵa beriledi. Bizdiń úidiń páterlerdiń jartysyna jýyǵy jalǵa beriledi. Olardy jattap júrmeimiz. Kún saiyn bóten adam keledi. Ózderin tym óktep ustaidy, shýlaidy, aiǵailaidy, taptaidy, kópqabatty úide turyp jatyrmyz dep oilamaidy. Páter jaldaidy da, top-top bolyp qyzdarmen kelip jatady. Osydan keiin belgili - aiǵailaidy, zań eńirep jylaidy, tynym tappaidy", - dedi kórshi Tamara Ivanova.
"Keide bireýdi uryp-soǵyp jatady, mastar tóbelesedi, tipti páterden shyǵa sala podezde eregesedi. Páterin jalǵa beretindermen sóilesip, klientterdiń esi durysyn alýyn suraǵanbyz. Al olarǵa aqsha berseń boldy. Jurttyń bári qorqyp qalǵan, úndemeidi. Sebebi álgi saǵattap jalǵa beretinder osyǵan deiin kórshi podezdiń terezelerin syndyryp ketken. Ne úshin dep oilaisyz? Osylai shaǵym túsire bermesin, politsiia shaqyrmasyn dep qorqytyp tastaǵan", - dep eske alady úidiń turǵyndary.
© Tengrinews.kz
Al taiaýda bolǵan jantúrshigerlik qylmystan keiin turǵyndar tipti de záre-quty qalmai shoshypty. "Ótken túni tipti de kóz ile almadym. Bizdiń podezde osyndai oqiǵalar bolǵan soń, jaman túster kóretin boldym. Álsirep ketemin", - dedi máiit tabylǵan podezdiń turǵyny.
Aita keteiik, osyǵan deiin Abylai han jáne Raiymbek dańǵyldarynyń qiylysynda ornalasqan úidiń aýlasyndaǵy qoqys jáshiginde er adamnyń dene múshelerin tapqany jaily aitylǵan edi. Aldyn ala málimet boiynsha, adamnyń qaldyqtary - basy jáne qoly. Ol konteinerdiń ishindegi múshelerdi qoqys jáshikterin qarap júrgen úisiz adam kórgen. Politseiler tergeý jumystaryn júrgizip jatyr, kýágerlerdi surastyryp jatyr. Oqiǵa ornyna qalalyq IID-niń basshysy Serik Kúdebaev keldi. Sondai-aq oqiǵa ornynda prokýrorlar da jumys jasap jatyr.
Al taiaýda qaza bolǵan er adamnyń Almatyǵa Kentaýdan kelgeni belgili boldy. Sonymen qatar, onyń týysy kelip, máiitti tanypty.
