Almaty ákimdigi halyq kóp jinalatyn jerlerge adamnyń bet-beinesin anyqtaityn kameralar ornatýdy josparlap otyr, dep habarlaidy Ulysmedia.kz.
"Ashyq NQA" saitynda talqylaýǵa shyǵarylǵan qujatqa sáikes, adamnyń bet-beinesin tanityn beinekameralar, shamamen, 2,2 metr biiktikte ornatylady. Eger kamerany múmkindiginshe tómen ornatsa, adamnyń bet-beinesi anyq túsedi.
Biryńǵai videomonitoring júiesine adam kóp shoǵyrlanatyn ártúrli obektilerde ornatylǵan jáne menshik ieleriniń kelisimimen kommertsiialyq uiymdardyń qoldanysyndaǵy beinebaqylaý júielerin biriktirý josparlanǵan.
“Almaty qalasynyń biryńǵai videomonitoring júiesi — qala boiynsha beinekeskinderdi jinaý, óńdeý men saqtaýdy júzege asyratyn baǵdarlamalyq jáne tehnikalyq quraldardyń jiyntyǵy. Ulttyq qaýipsizdik pen qoǵamdyq tártipti qamtamasyz etýdegi videomonitoring ulttyq júiesiniń óńirlik bóligi. Ol qala máselelerin sheshýde videosaraptama qalyptastyrý fýnktsiialaryn atqarady”, — delingen qujatta.
