Almaty politsiiasy avtokóliktiń tóbesine adam otyrǵyzyp alyp tasyǵan «Mercedes-Benz Gelenvagen» markaly avtomobildiń júrgizýshisine aiyppul saldy, dep habarlaidy QazAqparat.
«2021 jyldyń 30 qarashasynda áleýmettik jelilerde uialy telefonnyń kamerasyna túsirilgen, zańǵa qarsy áreketter týraly jazba jariialandy. Tiisti tekserýler júrgizdik. «Mercedes-Benz» markaly kólik quralynyń júrgizýshisi anyqtaldy. Ol – 1987 jyly týǵan Espolov N.A. esimdi azamat. QR Ákimshilik quqyq buzýshylyq týraly kodekstiń 593-baby 1-tarmaǵy boiynsha (Jolaýshylardy tasymaldaý qaǵidalaryn saqtamaý) jaýapqa tartyldy», - dep jazdy Almaty Politsiia departamenti bastyǵynyń orynbasary Rýstam Ábdirahmanov Facebook paraqshasynda.
Beinejazbanyń ekinshi qatysýshysyna qatysty tekserý jalǵasýda.
«Jolda abai bolyńyzdar», - dedi PD bastyǵynyń orynbasary.
