Almatyda psihiatriialyq dispanserde esepte turǵan er adam dúkenniń satýshysy men ótip bara jatqan adamǵa pyshaq ala júgirgen, dep habarlaidy "Ult aqparat".
Oqiǵa 8 qańtar kúni Dostyq shaǵynaýdanynda ornalasqan bazarda oryn alǵan. Almaty qalasy Áýezov aýdany politsiia basqarmasynyń kezekshi bólimine jasy shamamen 25-30-daǵy er adamnyń ketip bara jatqanǵa jáne dúken satýshysyna pyshaq ala umtylǵany týraly habarlama kelip tústi.
«Jedel izdestirý sharasyn júrgizý kezinde kúdikti retinde er adam ustaldy. Ol 2011 jyldan bastap psihiatriialyq dispanserde «paranoidtyq shizofreniia» diagnozymen esepte turǵan. Jedel meditsinalyq járdem brigadasy pyshaqpen shabýyl jasaǵan er adamdy Almaty qalasynyń «Psihikalyq densaýlyq ortalyǵyna» jetkizdi», - dep habarlady politsiiada.
Atalǵan fakti boiynsha qylmystyq quqyq buzýshylyq belgileri boiynsha QR QK 293-babynyń 3-bóliginiń 2-tarmaǵy boiynsha sotqa deiingi tergeý júrgizilýde.
