Almatyda adamdardy kóligimen qasaqana qaǵyp, jasyrynyp júrgen ekinshi kúdikti ustaldy, dep habarlaidy "Ult aqparat".
Birneshe saǵat buryn, Almaty qalasynyń Qylmystyq politsiia basqarmasy Bostandyq aýdanynda 2019 jyly 26 tamyzda adamdardy kóligimen qasaqana qaqty degen kúdikke ilingen 1999 jylǵy A-ny ustady.
«Kúdikti A. Almaty oblysynyń aýmaǵynda politsiiadan jasyrynyp júrgen. Kúdikti PD tergeý bólimine jetkizildi», - dedi Almaty qalalyq Politsiia departamenti bastyǵynyń orynbasary Daniiar Mendebaev.
Esterińizge salaiyq, oqiǵa 26 tamyz kúni, taǵy saǵat 4-ter shamasynda bolǵan. Áleýmettik jelide kóliktiń birneshe adamdy qaǵyp ketken videosy jariialandy.
Sol kúni, dárigerler kólik qaqqan úsh adamnyń jaǵdaiy týraly aitty.
Tártip saqshylary adamdardy qaqqan kólikterdi taýyp, arnaiy avtoturaqqa jetkizdi.
Kúdiktiler aǵaiyndylar ekeni anyqtaldy. Analary balalarynyń mundai qadamǵa ózderin qorǵaý úshin barǵanyn alǵa tartty.
