Almatyda belgili gastroenterolog Iýrii Shýmkovqa oq tiip, qaza boldy, - dep habarlaidy Tengrinews.kz.
Buǵan deiin Almaty politsiiasy 4 sáýirde tańerteń adam óltirdi degen kúdikti ustalǵanyn habarlaǵan edi.
Gastroenterologiia institýtynda jumys istegen belgili gastroenterolog Iýrii Shýmkovqa ańshy myltyǵynan oq atylǵany belgili boldy. Bul aqparatty Almaty politsiiasy rastady.
Shýmkovtyń áriptesteriniń aitýynsha, kúdikti emhana esigi aldynda jábirlenýshiniń basyna oq atqan.
Buǵan deiin qylmys 4 sáýirde tańerteń Bostandyq aýdanynda bolǵany habarlanǵan edi. Aqparat "102" pýltine saǵat 8:59-da túsken.
"Ańshy myltyǵy oǵynan 1975 jyly týǵan Sh. esimdi azamat qaza tapty. Qylmys "izi sýymai" ashyldy. Kúdikti "Ustaý" arnaiy jospary barysynda Almaty qalasy Alataý aýdany aýmaǵynda ustaldy", - dedi Ábdirahmanov.
