Almatydaǵy modýldi juqpaly aýrýlar aýrýhanasynda 95 jastaǵy qariia COVID-19 virýsynan emdelip shyqty, dep habarlaidy "Ult aqparat".
Patsient túskende tekserý barysynda kompiýterlik tomografiia ókpeniń 70% zaqymdalǵanyn anyqtap, eki jaqty polisegmentarly pnevmoniia diagnozy qoiyldy.
95 jastaǵy patsientte kóptegen ilespe aýrýlary bolǵan. Atap aitar bolsaq, júrektiń ishemiialyq aýrýy, stenokardiia, arteriialyq gipertenziia, mi qan tamyrlarynyń jas patologiiasy, qan ainalymynyń buzylýy jáne údemeli distsirkýliatorlyq entsefalopatiia bolǵan.
Naýqas 18 kún boiy statsionarda em aldy. Onyń ishinde 8 kún naýqasqa qosymsha respiratorlyq qoldaý kórsetildi.
«Sondai-aq, taǵy bir nárseni aita ketkim keledi - adamnyń aýrýdan jazylýy onyń ishki jaǵdaiyna, onyń ómir súrýge, otbasyna, jaqyndaryna oralýǵa degen nietine de bailanysty. Bul - bizdiń statsionarymyzdaǵy eń jasamys naýqas, ol koronavirýsty jeńdi», - deidi dáriger-reanimatolog Baýyrjan Sársembaev.
Aqsaqal klinikanyń barlyq meditsina qyzmetkerlerine alǵys aityp, naǵyz batyrlar dep baǵa berdi. Aq halatty abzal jandarǵa baqyt, densaýlyq jáne osy pandemiiamen kúresýde shydamdylyq tiledi.
